متيجى نعمل حاجة !!!

بسم الله الرحمن الرحيم

بقولكوا ايه متيجى نعمل حاجة تنفعنا فى دنيتنا متيجى نعمل حاجة تنفعنا فى اخرتنا متيجى نعمل حاجة تحسسنا ان احنا عايشين ...

اصل احنا مش عايشين فى زمان واحد حكيم قال اليوم اللى مبهديش فيه حاجة للحوليا مش بحسبه من عمرى وانا بضم صوتى لصوت الراجل ده تعالوا نمد ادينا للناس تعالوا نفكر ولو ثانية واحدة فى كل اللى حوالينا تعالوا نشوف واحد محتاج بجد ونساعدة تعالوا نشوف بيت فقير ونكفله تعالوا نجتهد فى دراستنا لغاية منبقى ناس تنفع بلدها وتعلى اسمها تعالوا نغير من ابو تريكة والحضرى وزى مرفعوا اسم مصر فوق فى الكورة نرفعه احنا كمان فى العلم فى الشعر الأدب فى التاريخ فى الهندسة فى كل منحى من مناحى الحياة ...

عايزين نتبنى مبادرة هنا فى المنتدى ده ونساعد كلنا فيها حتى ولو كانت بسيطة حتى ولو اقتص كل منا جنيه واحد من مصروفه ودفعه لجمعية او لمستشفى لمساعدة الغير كفانا سلبية وكفانا رجعية هيا بنا نرقى الى مصاف دول العالم المتقدم اللى كل يوم بيهدوا للبشرية شىء جديد فى علم فى رياضة فى ثقافة فى فنون بجد اشتقت ان ارفع اسم مصر لفوق قوى نفسى علم مصر يرفرف فوق كل مدنى بس على شىء حقيقى مش لعب ...

فكروا معايا ممكن نعمل ايه وقولولى علشان انا بحبكم وعايزكم معايا للجنة بأذن الله ..

هو موضوعك هادف وجميل بس كل واحد فينا اعتقد انه بيعمل خير من غير مايقول عشان يكسب اجر الصدقه الخفيه سواء كان مساعده فقرا او ايتام ... الخ الجزء التاني من رسالتك طبعا كل واحد فينا بيسعي انه يبقي الاول في شغله او دراسته اي كان المجال اللي هو فيه وطبعا كلنا بنتمني نحقق ده وربنا يوفقنا ويوفقك عشان العلماء اللي شرفونا زي احمد زويل او مجدي يعقوب او نجيب محفوظ احنا مش اقل منهم بل بالعكس احنا عندنا الوسائل التعليميه والتكنولوجيا الحديثه التي لم تكن موجوده في زمانهم وده حافز لينا عشان نحاول نعمل حاجه
موضوع اكثر من رائع

اية يا عم الحج مش كدة الهداية والايمان عمرهم ما كانوا كدة
وانا بوجة صوتى لصوت ايمن