عايز اقولك حاجه وده رأيي الشخصي ان الانسان بطبعه طماع بمعني ان مثلا في نوع من الولاد عايز البنت اللي بيحبها تتصل بيه علي طول وتكلمه كل دقيقتين تقوله وحشتني الشويه دول وكده وهو يتنرفز عليها ويقولها مش فاضي دلوقتي مره ومره يقفل ف وشها ومره مايردش عليها ويبقي مبسوط اوي وهو بيعمل كده
ده في صنف من الولاد بيتفاخر امام اصدقائه بكده عشان يقولوا عليه راجل يعني
قيسي علي كده البنات برضه فيهم اللي من النوع ده مش الولاد بس عشان مانظلمش حد
وبالتالي لما تيجي تحسبيها تلاقي ان الولد الكويس نصيبه بيبقي مع واحده متسلطه تخليه يلعن الحب وابو الحب والعكس فقلما ما نجد تكافؤ في الحب.
انا مثلا بدور علي انسانه تشاركني حياتي بس للاسف تفكيري مشلول مش عشان مفيش بنات كويسه عارفه ليه عشان بفكر الف مليون مره قبل ما اخد اي قرار عشان انا تعبت قبل كده من ..........
توتال الموضوع واللي عايز اوصلهولك ان الانسان مننا بيخاف من الحب ومن ان يقع في تجربه مؤلمه لان الجرح في الحب شئ فظيع لايمكن ان تتصوريه الا عندما تقعي في فخاخه تحسي انك تايهه مش عارفه انتي مين ولا عايزه ايه شئ غريب كده يسيطر علي تفكيرك ويشله ويخليكي مش عايزه تكلمي حد ولا عايزه تاكلي ولا تنامي انسان عايش بيتنفس بس .
موضوعك جميل اوي يا همسه مؤثر جدا وبالفعل لمس احاسيسي