حب !!!يعنى ايه حب....؟؟؟

حب!يعنى ايه حب
يعنى تقبل طول حياتك تبقى عايش جوه نار
يعنى تدبل ذكرياتك يبقى قلبك ماله دار
يعنى تتغرب بقلبك جوه بلاد هجر وخيانه
تبقى حابب قلب بايعك يجرحك وبدون أمانه
بعد مالعمر عيشته ليهم
بين عذاب وبين اهات
يرسمو دمعه ف عنيهم
يبعدو و كأنه مات
مات الحب
.. .. .. .. ..
حب!يعنى ايه حب
يعنى ترضى بجرح قلبك تبكى بدل الدمع دم
تبقى عايش كل عمرك بين جراح وحزن وهم
يعنى تبقى ف البدايه عايش حلم مالوش مثيل
بس ياخساره النهايه .آه!فراق!وداع وويل!
تبقى كل لحظه حلوه
أصبحت فيك ذكريات
كل كلمه وكل غنوه
ليها معنى لكنه مات
ومات الحب
.. .. .. ..

حب!يعنى ايه حب
يعنى تزرع جوه قلبك ألف جرح وألف آه
يبقى حبك كل حلمك كل لحظه عايشها معاه
بعد حب سنين طويله تكتشف كدب وخداع
والندم يفيد بايه قلب اتظلم وعمر ضاع
تبعد انت عن حياتهم
ميسيبوش قلبك ف حاله
يرجعو بذكرياتهم
ويقولولك هو ماله
ماله الحب

[center]مش قادر اتكلم ولا اوصف الجمال وخايف اقول ايه الجمال ده ابقي ما وفتكيش حقك

انا بقه وجهة نظرى مختلفه مع احترامى يا سيدى الشاعر ولا انتوا علشان شعراء زى بعض

الحب ده اجمل شىء فى الدنيا ولو فاتك الحبيب برده لما هتفتكره هتقول ياريت ترجع ايام زمان

السلام عليكم ورحمة الله

الموضوع جميل قوى يا همسه ميرسى ليكى على المشاعر الجميله دى اللى بتشاركينا بيها عن طريق شعرك الجميل ده

بس انا وجهة نظرى مع الباش مهندس ان الحب ده اجمل شىء فى الدنيا بس لما بنفارق بيوجع قوووووووووووووووووووى

ميرسى على مروركوا بس انا عايزة اقول ان الحب بكون عذاب لما بنحب حد ميستهلش الحب ده لكن طبعا الحب جميل جدا لما يكون اثنين بيبادلول نفس المشاعر لبعض وميرسى ليكم

» يعنى ايه حب ؟
» يعنى ايه بنت