ده لعب الناس وده لعبى انا

بسم الله الرحمن الرحيم

الحقيقه الموضوع ده موضوع يخصنى انا شخصيا ويخص عملى الذى اتشرف ان اعمله
فلكل واحد لعبة يحبها وهو صغير وهو كبير الى ان يتوفاه الله

ولكن انا حينما العب يكون هذا لعبى



متخفوش انا مش هضرب بالنار دى احدى الألعاب عندنا فى الشركه كنت بجربها



دى اول صوره لى فى اكبر لعبة سوفت بلاى فى مصر كلها والتى شرفت بتجميعها مع المهندس محمد محمود وتحت قيادة المهندس محمد نصر فى مدينة العاب كرامنتس فى جرين بلازا











ودى طبعا صورتى وانا محشور جوه اللعبه قبل تشغيلها بساعات

اما دى صور لكرامنتس وقلعة الأطفال من الدور التالت كنت بقص الشدادات بتاعة اللعبه وربنا ستر وموقعتش وانا بصور الصور دى








هوريكوا بقه لعبتى لما خلصت بعد ما طلع عينى فيها ل 4 ايام بس الله يكون فى عون اللى اشتغلوا فيها من الأول للأخر







و الحقيقه انا حبيت احط الموضوع ده فى المنتدى لأن ده شغلى وجزء من حياتى وحابب كمان ان اذكر كل من عملوا فى تلك اللعبة التى رسمت البهجة والسعاده على كثير من اطفال الأسكندريه وغيرهم من الأطفال الذين يتمتعون بالعب فيها كل يوم وعلى رأسهم المايسترو م/ محمد نصر او الريس وطبعا المهندس المنفذ لتركيبات اللعبة بعد الأخوه الكنديين مباشرة المهندس محمد محمود والمهندس محمد رجب اللى كان شايل كرامنتس هو وباش مهندس وائل لوحدهم بعد انشغالنا كلنا باللعبه وابو حازم طبعا ومسيو مجدى كما يحلو للمهندس محمد محمود تسميته وغيرهم الكثيرين ولكن لا تسعنى الذاكره
وطبعا مهندس اسلام اللى لولاه مكنتش هنزل القلعه واشتغل فى اللعبه وعلاء وعم اسماعيل .





واخيرا وليس اخرا صورتى مع لعبتى

ولنا لقاء باءذن رب السماء

الحقيقه فعلآ هى دى قيمة العمل الحقيقيه ان يفتخر الشخص بعمله والله ينور يا هندسه بس المفروض تعزمنا بقه على اللعبه الجديده هههههههههه