اليك ياربى !!!( دعوة حط كمبوترك امام اعين الناس)

بسم الله الرحمن الرحيم

اكتب اليكم هذا الموضوع وانا محمل بشىء من الخوف وشىء من الحاجة الى الله فتلك رسالة شخص كل ما يريده ان يرجع اللى الله .

نسألكم الدعاء له فقد طلب منى نشرها على الأنترنت لتكون دعوتة لكل الناس رجاء ادعو له بثبات القلب ...

كيف ارجع الى الله وانا كلى ذنوب ... كيف ارجع الى الله وانا العاصى بلا حدود ... كيف ارجع اللى الله وانا الملىء بكل العيوب

لقد استنفذت كل طرقى فى التوبة الى الله ولم اتوب لقد ضاعت كل امالى فى بسمة تضىء لى ليلى المقيد بالذنوب .

كل يوم اقول انا هتوب بكره خلاص .. ويجى بكره اصلى الظهر فى جماعة وانا كلى حماس وحينما يأتى العصر اقول صبرا حتى يقيم وما البس ثوانى الا ان يقيم فأقول ها هوا ممتد حتى المغرب ويأتى المغرب وانا يا اما امام تلفاز فاسد يا اما امام احدى صفحات العالم الزائف او ما يسمى بالأنترنت ثم اتوجه بالنزول لأى مكان اضيع فيه بقية يومى الذى لافائدة منه الا خسرانه ..
وتمر العشاء وانا ساهر امام اى معصية والسلام يا بشوف عرى فنانات فاضلات يا تمايل راقصات حميدات يا اما اما احدى الكليبات .. يا اما مستنى كل اللى فى البيت يناموا علشان تبعد كل الأعين عنى لأنفرد بذنبى امام اكبر صرح من صروح التكنولوجيا داعيا التحضر كلما كلمنى احد عن هذا الجهاز الذى لا اعرف عنه سوى com.اى كلام فاضى .www وادى اليوم بيعدى لغاية ما المؤذن يعكنن عليا بخلوتى مع الدوت كوم ويقول الله اكبر ..... وساعتها طبعا افتكر على طول ان الغرفه طبعا مفهاش حد وبابا وماما واخواتى نايمين مش شايفينى ولسه معتبرنى القدوه والأبن البار ذو الأخلاق الحميده والتى تشهد له العئلة بأكملها بحسن الخلق ولكننى تناسيت شىء من اهم الأشياء.
.
.
.
.
.
.
.
.
.
.
.
.
.
.
.
.
.
.
.

ان هناك من يطلع على وهو رب بابا وماما واخوتى !!!!!!!!
نسيته وهو دايما فاكرنى لما كنت بعيط فى الأمتحان وانا فى اعدادى ومش عارف اكتب ولا كلمه فى الورقه وكنت خلاص هسقط كنت بقول يارب وكان بيسمعنى وشايفينى وكان بينجحنى ولما الثانويه العامه كانت معقده والمجموع طالع فى السما وانا مجموعى مكنش بيودى ولا يجيب كنت بقول يارب وكان شايفنى وبيسمعنى ولما دخلت الكليه كان سامعنى ولما خلصتها كان سامعنى ولغاية لما اموت هيفضل يسمعنى ...

بس انا عمرى ما حسيت انه شايفنى وانا بعصيه لأنى عارف انه هيسترنى وعلشان كده جعلته اهون الناظرين ليا وجعلت اخويا الصغير اللى لسه مكملش ال8 سنين اكبر منه وعملتله حساب اكبر منه مع انه ممكن يخسف بيا الأرض انا وكل من يستهونون الله

الى متى سنظل نجعل الله اهون الناظرين الينا الى متى ؟؟؟ الى متى نخشى غيره وهو احق ان نخشاه هناك ابواب كثيرة تغلق علينا ولكن هناك باب واحد لا يغلق هو بابه . فأنا اعصى الله وادعوه بالستر ان لايرانى ابى او ترانى امى او يرانى اخى الصغير الذى اخذنى قدوته فى كل شىء ...

وارجع واقول انا عايز اتوب خلاص بقه كفايه ذنوب واصلى الظهر والعصر ويجى عليا المغرب الاقى ماتش مانشستر وريال مدريد فتفرج عليه وبعدين ( لأ مش هقول هقوم اصلى ) هاقوم اشوف المواقع بتقول ايه على الماتش والأجوان نزلت على يوتيوب ولا لأ والحق احطها عندى فى اى منتدى ان مشترك فيه واكتب حصريا قبل اى حد ..

لقد اخترت الحصريه على منتدى رقمى به شوية فاضيين ماورهمش حاجه زيى اكبرهم عاطل بالوراثه مستخبين ورا قناع للوجو بصوره وتحت موضوعه توقيع وسبت الحصريه بتاعت ربنا ان صلاة الجماعه خير من صلاة الفرد ب27 درجه ونسيت ان الصحابه كانوا يعزى كل منهم من تفوته تكبيرة الأحرام علشان حصرياتى فى عالم اللهو والخراب.........

واتوب واعصى واحتاجله واقول يارب وهو يسمعلى اعصيه وابارزه بالمعاصى ويسترنى وميفضحنيش عمرى ما اديته حقه وهو بيدينى فى الدنيا ومبسبنيش عمال اكذب وانافق واتجمل وهو سايبنى اعيش .... يااااااااااااااااااااااااااارب يامن ليس لى فى الدنيا سواء يا من عاشت عينى تخشاك ياقلبى وسمعى وبصرى لن انساك انت ربى ورب كل الناس ارحمنى انى استعيذ بك من الوسواس الخناس

من النهارده مش هخبى الكمبيوتر فى الظلام هحطه فى حته ظاهره لكل الناس .. من النهارده مش هنفرد بالتليفزيون عن عيون الناس .. من النهارده هصلى العشاء وركعتى الشفع والوتر وهنام علشان انا اللى هصحى الناس وهقولهم الصلاة خير من النوم .. من النهارده هعزى كل واحد جى متأخر عن تكبيرة الأحرام .. من النهارده لن اخشى فى الله لومة لائم وسأتوب لربى واستغفر لأنى افتكرت ان مفيش حد نفعنى لما كنت محتاج غيره...

اولا ادعلو له بالهدايه واريد منك ان تنصحه بانه اذا اراد ان يعصى الله فلا ياكل من رزقه ولايعيش على ارضه وهذه بدايه ممتازه للتوبه فسارع الى مغفرة من الله وجنات عرضها السموات والارض

بسم الله الرحمن الرحيم
بجد موضوع مميز فى ظل عصر المواضيع المنقوله وربنا يجعله فى ميزان حسناتك يا باش مهندس ويكرم الحالة اللى انت بتتكلم عليها بثبات القلب يارب....

وانا اعتقد ان الكثير منا كذلك الم يكن الأكثر جزاك الله خيرا

» يا ترى الناس بيحبوك ؟؟؟؟
» شعر رومانسي دعوة للحياه
» كيف تجعل الناس يحبوك
» اليك حبيبى اكتب
» اليك حبيبى همساتى وعشقى