مش تقولولى مبروك ( خطبنى عضو فى المنتدى )

خطبني عضو من المنتدى

هذا العضو انسان راقي وخلووق

انسان حنون ويحبني......

من اول ما سجلت في المنتدى وهناك شيء يجذبني اليه

يجعلني ابحث من خلف ردوده ومشاركاته

يجعلني اسارع واتساابق لأكون اول من يرد على مواضيعه

وقبل فتره

تفاجأت بانه ارسل لي رساله خاصه يطلب ايميلي

تقدم لي وخطبني

ما اريده منكم ان تدعووون لنا بالتوفيق

اللي صدق كلامي اكيد تفكيرة مش تمام

احم احم

بس حبيت أمهد للموضوووع

اللي هو:

لبنات المنتدى

ما هو رد فعلك إذا تقدم للزواج منكِ صديق فى المنتدى ؟

و كل علاقتك به عن طريق المواضيع و الردود فى المنتدى وبعد المسنجر

((مع ملاحظة أن سلوكه فى المنتدى و ردوده توحي بأنه إنسان ممتاز جدا ))

السؤال هنا

هل تقبلين أن يتقدم لك بهذه الطريقة ؟

هو يقول إنه لا يهمه شكلك

و لكنه

معجب

بروحك

وثقافتك

وأدبك

واسلوبك

وتدينك و ...و...

وهل تعطينه تفاصيل عن حياتك ؟ عنوانك مثلا !

وكيف تضمنين إن نواياه صادقه ؟

وما هي الضوابط التي تطلبيها لكي تحمي نفسك إذا لم يكن صادقا ؟

*
*
*
*

((لشباب المنتدى))

ماذا تفعل انت إذا تقدم شخص لإختك أو لإبنتك بهذه الطريقه ؟

لاحظ إنه يريد الزواج مباشرة .

وإن رفضتم ما هي الأسباب التي تجعلكم ترفضون ؟

مستنية مشاركتكم

تصدقى انا والله صدقت الف مبروك بس مش على الخطوبه على الموضوع الجميل

انا كمان صدقت انك اتخطبتى
بس بالنسبه ليا انا لو واحد اتقدملى لخطبتى انا ارفض
لانى انا لم اعرفه لا من خلال الرد علة المواضيع وبس لكن كشخصيه انا معرفهاش
وميرسى ليكى على الموضوع الجميل ده

على فكرة موضوعك جميل والاجمل الدخله الى دخلتى بيها ملعوبه وجديدة
اما بالنسبه لموضوع الزواج دا كلو نصيب وبتاع ربنا سبحانه وتعالى كان بقى عن طريق منتدى عن طريق رساله مقابله فى مكان معين اى كانت الظروف الى ليه نصيب فى حد هياخدو لان دا نصيب وفة كلمه انا بحب اقولها وهقولهالك ( محدش بيجوز مرات حد ) اظن دى وضحت كل حاجه
وبجد موضوع ممتاز والدخله ممتازة جدا

السلام عليكم اولا يعنى انا بحسدك على الاسلوب الجميل ده ويارب لو مش مخطوبه تتخطبى لحد يكون يستهلك ولو مخطوبه ربنا يوفقك ويتمم عليكى بخير ممكن توافق فى حالة انها عايزه تتجوز بس مش اكتر وممكن فى اثناء الخطوبه تقابل شاب ظريف وكويس فتتشدله اكتر وهكذا انا ارفض لو اتقدم لاختى بس الحمد لله معنديش اخوات معلش انا بتكلم كتير

متشكره على ردودكم كلها وبعدين يا جماعه الموضوع ده بقه بيحصل كتير اليومين دول على ارض الواقع فمنستغربش منه.

وانت مش بتتكلم كتير ولا حاجه يا كينج انا اللى صدعتكوه .

واسفه على الدخله يا لوت بيه

انا بجد والله وربنا يعلم كنت بقول وانا بقرأ مقالك البنت دي اكيد دماغها تعبانه عشان تتشد لواحد من اسلوبه علي المنتدي لان الحب والجواز اكبر من الكلام ده هو الاسلوب عنصر مهم من عناصر قبول الزوج او الزوجه لكن في حاجات كتير جدا اكبر من كده تستدعي التفكير فيها وعموما هي لفته كويسه لموضوع كويس وانا بهنيكي عليها يا اختي

» اسئلة لكل اعضاء المنتدى ولازم تجاوب !!