اطلب زوجه وتاخد واحده هديه !!!!!!!!!

بسم الله الرحمن الرحيم
اثناء قرأتى لجريدتى المفضله الدستور وجدت موضوع عن فتوى تحليل زواج المسيار فأستغربت جدا لتلك الفتوى ولأننى لست ضليعا فى الفتاوى الدينيه فأردت ان أاخذ بعدا اخر للموضوع وهو البعد الأجتماعى .
المسيار هو عباره عن الزواج الديلفيرى كما سماه كاتب الموضوع وهو اتفاق بموجبه تجلس الفتاه فى بيت ابيها ويظل الشاب فى بيت ابيه معززا مكرما وكل ما يربط بينهما هو يوم فى الأسبوع او اقل او اكثر وذلك حسب الأتفاق وذلك فى بيت احدهما مع مرعاة عدم التعدى على حقوق الأخر .


وكان هذا الحوار مع شاب ووالد فتاته

الشاب : ياعمى انا جى اطلب ايد بنتك
الوالد: طب يابنى انت عندك شقه
الشاب : ياعمى انت مبتخشش على منتديات عالبحر ولا ايه الجواز دلوقتى مبقاش محتاج لشقه انت مسمعتش المفتى قال ايه دى كلها يوم فى الأسبوع عندك ولا عندى .
لوالد : طب والأولد يابنى
الشاب : اكيد ياعمى انت مش هترمى لحمك ولا ابويا كمان هيرمى لحمه
الوالد : طب يابنى فى مشكله صغيره اختها فريال جوزها بيجلها يوم الأحد والثلاثاء واختها الصغيره جوزها بيجلها يوم الأربعاء خلاص يا عمى انا اجى يوم الأربعاء او الجمعه لأ ما انا نسيت اقولك ان مرات ابنى طفسه شويه بتيجيله يوم الأربعاء والجمعه خلاص ياعمى محلوله انا اجى يوم الخميس
الوالد مغتاظا : لأ يابنى الخميس ده بتاعى انا خلى فى دم

وبعد مفاوضات حتى ساعات الفجر الأولى قرر الواد منح الشاب يوم السبت
وبعدها بدقائق تنطلق الزراغيط مدوية فى السماء ليذهب الشاب الى فتاته ليخبرها انه قد حل لنا المفتى بارك الله فيه مشكلتنا وسيغلق علينا باب يوم السبت ان ان اههههه

خلاص كل مشاكل الشباب اتحلت وبقى لينا زواج تيك اواى بدون النظر الى ما يخلفه ذلك الزواج من مشاكل اسريه ترضى الجنس الغريزة الحيوانيه وتدع كل مشاكل الأطفال التى قد تنجم عن تلك الزيجة التعيسه لتزيد من الطينة بلة يبقى مش كفايه مشاكل واعباء اسرة واحده لأ تزيد اعباء اسرة كمان .
لذلك فكرت انا كمان ان اخترع مهو كله بقى بيخترع اشمعنه انا لذا قررت انا وصحبتى التعبانين مله لغاية ما بقوا بيكحوا جاز لأنهم انتهوا من مرحلة الكح تراب وقررنا ان نجمعن فى شقه ايجار جديد على الأقل كل واحد فينا ياخد يوم وايجارها اللى هو ضعف مرتبى 3 مرات يتقسم علينا مادام هى ليله مش اكتر وهكذا اتحلت مشاكلنا مع الزاوج بس ربنا يستر بقا من مشاكل زوجاتنا اللى هتقولك لأ ان عايزه الجمعه واللى هتقولك انا عايزه الشقه مفروشه سجاد والتانيه موكيت والتالته عايزه ستائر والرابعه عايزه المطبخ ايطالى ومش هنخلص .

الحقيقه ده حوار ابتدعته من خيالى بعد قرأتى للموضوع على الدستور ولكن هل احد منا يرضى ان يتزوج هكذا حتى ولو كان هذا الحل الوحيد لأشباع رغابتنا الجنسيه المكبوته؟؟؟؟؟؟؟؟؟؟؟؟

بسم الله الذى لا يضر مع اسمه شىء

انا ممكن يكون رأى مختلف شويتين . احنا ليه نظرنا للموضوع من الجانب المظلم وليه لم ننظر اليه من جانب ان الدين وافق عليه اذا فهو غير حرام ولا ايه ياريت حد يرد عليا لأنى مش فاهمه بجد

الموضوع اكثر من رائع وفيه تشويق عالى جدا من جانب كاتب الموضوع