للبنات فقط

عشرين جمله 95% من شباب مصر بيقولوها للبنات يلا اهوة حاجة لله عشان البنت تعرفها مظبطكم انا اهو

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تأمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لابساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار) دة انا مش لاقي اكل

9-عايز اشوفك كل يوم كل ساعه كل ثانيه
(عشان يتمنظر قدام اصحابه )

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
(أففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ) نسيت وعم عبده البواب

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهو اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد) وهو تلاقيه بيركبها بعشره جنيه

14-ياه لما بشوف رقمك على الموبيل قلبى بيتنفض
(طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه) وغالبا مفيش فلوس عشان ابوه قطع المعونة

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)
وربنا دة احنا مالناش حل

20-عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
(يقصد مش بيفتح البلوك عنها الا اما تكون هيا بس الى اون لاين عنده) ........ بالذمه ده نسميه ايه ؟

ايه يا منمن انت بتسيحلنا ولا ايه احنا كده مش هنعرف نظبط بنت تانى ...
ال يعنى مقطعين الشبكه وديلها ده انا خيبتها ...

يا حبي ده هزار وبعدين انت هاتقارن الواد الزباله اللي في الفنتازيا ده بيك يا قمر

الله الله الله ايه يا عم ايمن هتكرهنا فيهم ليه دانا لسة بشق طريقى

بس برافو عليك والله موضوع من الاخر

اي خدعه

والله يا ايمن احنا عارفين الحركات اللى كل الشباب بيعملها دى
بس والله بنعديها بمزاجنا
والواد اصلا يبقى ميستهلش يتبص في وشة وعامل عم الحبيبي قال اية انتى اول واحدة احبة وهو اصلا لفف وداير ومدوبهم والبت عبيطة بتصدق

بس خلي بالك يا قمر ان زي مافي ولاد كده في بنات كده برضه بل وبالعكس البنات اكتر من كده كمان بنسبه 2 ل 1

يبقى كل الى انت شفتهم كدة دور على المحترمين هتلقي كتير

يارب يكون كلامك صح