منتديات عالبحر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى شباب مصرى بجد
 
الرئيسيةبوابة البحرأحدث الصورالتسجيلدخول

 

 ياليلة العيد انستينا وجددتى الأمل فينا !!

اذهب الى الأسفل 
2 مشترك
كاتب الموضوعرسالة
eng_els3idy
باشا
باشا
eng_els3idy


عدد الرسائل : 235
العمر : 36
الموقع : 3albaher.yoo7.com
نقاط : 5842
السٌّمعَة : 7
تاريخ التسجيل : 12/03/2009

ياليلة العيد انستينا وجددتى الأمل فينا !! Empty
مُساهمةموضوع: ياليلة العيد انستينا وجددتى الأمل فينا !!   ياليلة العيد انستينا وجددتى الأمل فينا !! Emptyالأحد 20 سبتمبر 2009, 07:22

ياليلة العيد انستينا وجددتى الأمل فينا ... لو مسمعتش الأغنية دى يبقى مفيش عيد لأن العيد هو صلاة العيد واغنية ليلة العيد لأم كلثوم ...

كل سنه واحنا طيبين واحنا فرحانين واحنا منصورين واحنا ناجحين واحنا متقدمين واحنا من دول العالم الأول مش الثالث ...

مصر اليوم فى عيد والعالم العربى والأسلامى كله فى عيد بس ياترى احنا لسه بنحس بالعيد ولا خلاص بئه مجرد ايام وبنعيشها ياترى لسه بنصحى الصبح بدرى ونستحمى ونلبس هدوم الوقفة ونروح نصلى العيد واحنا رايحين بنقعد نكبر ونهلل وبعد لما بنصلى نرجع من طريق غير اللى روحنا فيه ونقعد نسلم على كل الأقارب والأحباب والجيران ونقول لهم كل سنة وانتم طيبين ...
ياترى لسه بنتلم فى البيت بعد الصلاة ونفطر الفول والفلافل اللى وحشونا فى رمضان مع الأب والأم والأخوه والأخوات لسه بيحصل ده ولا انا بحلم ..
لسه بنقف طابور من اكبرنا لأصغرنا قدام بابا علشان نأخذ العيديه اللى ورقها يذبح العصفورة ونقعد بقه نرتب هنروح فين وهنيجى منين وبكره عند خالتى وبعده عند عمتى والنهارده هنروح نتلم فى بيت ستى وجدى ونقعد نهزر للصبح ...

وحشنى العيد اوووى بتاع زمان اللى انا حكيت عليه ده العيد بتاعنا اللى بنقعد نحضر فى الكحك بتاعه من يوم 25 رمضان وام احمد وام على وام محمود يجيوا يعملوا معانا واحنا نروح نعمل معاهم .... كانت الناس بتحب بعضها وكانوا بيخافوا على بعضهم وكانوا بتلموا مع بعضهم يطمنوا على بعض ويساعدوا بعض لما يكونوا محتاجين بعض ...

السؤال هنا ايه اللى حصل للناس مش هقول الزمن هقول الناس الناس اتغيرت وعادتنا اتغيرت واحلامنا اتغيرت وطموحتنا اتغيرت ده حتى افكارنا اتغيرت هل ده من تأثير الأعلام الغربى علينا ولا من تأثير التغيرات الأقتصادية التى غيرت فى جذور الشارع المصرى ... ده سؤال انا حابب ان انا اطرحه على كل الأعضاء ؟؟؟

العيد مبقاش ليه طعم و رمضان مبقاش ليه طعم ولا الدنيا كلها بقى ليها طعم ... الواحد بقى بيستنى اغنيه رمضان جانا علشان نفرح برمضان و ولا لسه بدرى علشان نعرف انه خلص وليلة العيد نفرح بيها بالعيد ...خلاص الدنيا مبقاش فاضل منها غير شوية اغانى قديمة بنعيش على نغمتها حتى الأن ده حتى اغانى اليومين دول ملهاش طعم ولا لون زى الميه كده ولا بلاش اتكلم عالمياه ده حتى الميه بقه ليها لون وطعم ولا اقول لكم ... كل سنة وانتم طيبين ...
الرجوع الى أعلى الصفحة اذهب الى الأسفل
https://3albaher.yoo7.com/
aymooon

aymooon


عدد الرسائل : 158
العمر : 38
الموقع : suez
نقاط : 5525
السٌّمعَة : 0
تاريخ التسجيل : 12/09/2009

ياليلة العيد انستينا وجددتى الأمل فينا !! Empty
مُساهمةموضوع: رد: ياليلة العيد انستينا وجددتى الأمل فينا !!   ياليلة العيد انستينا وجددتى الأمل فينا !! Emptyالأحد 20 سبتمبر 2009, 08:09

يابني خلينا ساكتين احسن
الرجوع الى أعلى الصفحة اذهب الى الأسفل
 
ياليلة العيد انستينا وجددتى الأمل فينا !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عالبحر :: المنتدى العام-
انتقل الى: