رقم تليفون الريس!!!!

بسم الله الرحمن الرحيم

مين يتخيل رنة تليفون الرئيس محمد حسنى مبارك ايه ؟؟؟؟
ياترى حاطط نغمة دينى ولا نغمة من بتاعت اليومين دول ولا يا ترى عامل التليفون صامت علشان مش بيحب الدوشه !!!

طب ياترى هو الريس ماسك تليفون ايه جيل تالت بكمرتين ولا سيادته شايل العده الصينى علشان يحط فيها خطين علشان يكلم الوزراء اللى معاهم فودافون بريال واللى معاهم موبينيل بريال لا الريس مفتح !!!!

طب هو الريس لو فى اجتماع لمجلس الوزراء وتليفون وزير رن ورنة الوزير عجبت الريس هل ممكن يقوله ابعتهالى طب وهل الوزير ده هيبقى عنده الجرئه انه يقوله افتح بلوتوثك ياريس ولا ممكن يقوله انت بلوتوثك اسمه ايه !!!!

طب الريس تليفونه كارت ولا خط طب ياترى فاتورته بتيجى كام وهل لو نسى ومدفعش ممكن خطه يقف !!!!

طب هو الريس بيرد على الأرقام الغريبه وممكن يرد على اى حد يبعتلوه كلمنى شكرا ولا ايه ؟؟؟؟

طب هو الريس نمرته كام 012 ولا 010 ولا 011 اكيد رقم مميز ولا تلاقى سيادته معاه التلات شبكات علشان يوفر دى الدقيقه بقت ب40 قرش للشبكه التانيه .....

طبعا دى خرافات فى عالم الفانتزيا لأن السيده الفاضله سوزان مبارك فى حوار ليها فى الأعلام اكدت انها بترفض استخدام المحمول كما ان سيادة الرئيس يمتلك جهاز محمول ولي لديه سوى نمرتى علاء وجمال مبارك نجليه وانه لايفتح جهازة الا فى حالة غيابهما عن مصر ..

ارجوا ان يكون الموضوع قد نال اعجابكم وقد رضيت فيه خيالاتى ولكن الفكره ليست فكرتى وقد استوحيتها من مقال فى جريدة الدستور ولكن الموضوع موضوعى